?> صعيدى وأصلى شرفنى …! شعر لـ: حاتم السمان : جريدة اليوم الثامن

جريدة اليوم الثامن

للحقيقة عنوان

صعيدى وأصلى شرفنى …! شعر لـ: حاتم السمان

رساله الى من تطاولو على الصعيد من الاعلاميين المضللين:

أنا من اصلى لفروعى 

صعيدى وكلى وطنيه ..!

وانا اللى زرعت من فاسى 
فسرقونى الحراميه ..!

انا اللى عشقت اخلاقى 
ودينى ادانى حريه …!

وحريتى اكون مسلم ..
وصاحبى مسيحى فـ عنيّا…!

** ** **
انا الثوره اللى جات عندى 
فلقيتنى باقول الله ..!!

حميتها بأنى رحت ازرع 
وقلت يا مصر انت حياه ..!!

ولما قلت انا رأيى ..
فقالوا عنى مين غماه …؟

** ** **

ولكن انتو مين قولو ..؟
ياواكلينها عشان تولع …!

تغنوا وتحلفوا باللى 
فلوسه تبان وراح يدفع ..!

حرقتوا مصر بكلامكم 
فاتوره ونفسكم ترفع ..!

** **

دا حتى كدبكم باين ..
وتمثيلكم مالوش أعذار ..!!

وكل افلامكو محروقه..
غرضها تشتت الانظار ..؟

ولكن ربنا قادر ..
ينضف مصر من دا العار..!!

**     **       **

كلامى زوق وموش هشتم 
لأنى صعيدى متعلم ..!!

ودينى قاللى لو شتمك..
جهول سيبه وقول سلم ..!

انا كل اللى راح اقوله ..!
سكِت.. وأدبى يتكلم ..!!

الأقسام: فن وثقافة

7 تعليق حتى الآن.

  1. elyoum8 قال:

    الله ينور ابو مروان دائما رائع ومميز صعيدى على حق

  2. Eng.Shaymaa قال:

    كلمات رائعة,,,,,لا فُضَ فوك أستاذ حاتم
    ورغم اني مش صعيدية,,,,الا اني تأثرت جدا بكلماتك الراقية
    وما اجمل الختام حين قلت (سكت…وأدبي يتكلم)
    والله من حقك ان نرفع لك القبعة اجلالا واحتراما لكلماتك البديعة

  3. حاتم السمان قال:

    مليون شكر اليوم الثامن فنحن ابناء مصر ندافع عن اى حبة تراب ونحن ابناء الصعيد نفديه بارواحنا

    • حاتم السمان قال:

      المهندسه شيماء كل التحيه والتقدير لحضرتك والصعيد يشرف ان تكونى منه والقبعه دائما ترفع للاجلاء فلك منى خالص مودتى ..

  4. الله ينور ايه الحلوه ديه لوماالفلاح كان ابوقميص وبنتلون ارتح عله فكره اناصعيدي جدآ

  5. الشاعر عادل عثمان الحجار قال:

    آآآآآآآآآآآآآآآآآآآآآآآآآهـ
    الله عليك شاعرنا الرائع ، تسلم يدك يابلدياتي
    وحريتى اكون مسلم ..
    وصاحبى مسيحى فـ عنيّا…!

    ** ** **
    انا الثوره اللى جات عندى
    فلقيتنى باقول الله ..!!

    ===
    ولكن ربنا قادر ..
    ينضف مصر من دا العار..!!

    • عبدالباري إمام قال:

      أشكرك الشاعر المبدع والصحفي الحرالأستاذ/ حاتم السمان علي نشر قصيدة “بحبك “”وأشكرك أكثر علي قصيدتك الرائعة عن الصعيدي ،ونحن نفخر بانتمائنا إلي صعيد الشهامة والكرامة ،وقدكتبت أغنية عن الصعيد .سوف أنشرها معتزاً وفخوراً ، أكررشكري لك ولك مودتي